尋人專欄

香港卒友xxx尋找陳穎祥(及梁家寧、關可旋、關可潔)

​

【代轉】不過我倒是有個請求，希望你在不管何時，如有卒友聚會，都能順便幫我打聽下一個人，我當年一隻屐起錨的君子之交，名叫陳穎祥; 可能係培英或培正的畢業生，具體邊屆我記唔起了，年齡大概與我相若，所以應該是63~65屆高中嘅，最遲唔會遲於66屆嘅老高三。 因為我被返解後讀咗三年“農校”，重獲自由後到穗打探穎祥消息時，熟人冇人能話得清楚，間接得到嘅消息係話佢再起板過程“沉”咗。 多年來是我一塊心病，特別是得知卒友在港和美東為遇難卒友立碑紀念，我很想也為故友盡點心力，但畢竟穎祥的噩耗我並非親聞確訊，生死之說豈敢造次？ 所以總想盡力打聽一下，倘有生之年能有個確信，倒底亦了一樁心事。 因為我與穎祥兄只是在起錨途中相識，只在從打鼓嶺-深格-樟木籠-沙家濱一路作為難友結緣不足三個月，故對其人家庭、朋友等並不瞭解，只當年共患難中他有一齡相仿的密友叫做梁家寧嘅，估計亦係同學，仲有兩姐妹亦係與他倆一齊結伴起嘅，年齡應該細些，家姐名叫關可旋（璇？ ）妹妹叫關可潔。 所知就係咁多。 廣州咁大、學校、學生咁多，知道想揾個人不異大海撈針，亦但盡機緣一探問而已，餘生勿見執為感。